Turkish Arabic
 
2020-05-17   Arkad‏‎na gِnder
135 (66)


الخـير يخـص والشـر يعـم


محمد هاشم الصالحي


كتبت أن أسعار النفط في إنخفاض كبير وهذا الأمر راح يكون مردودها سلبي علينا كمواطنين. وكلت في مقالي أن الوضع الإقتصادي مهدد واحنه ما عدنا غير النفط انبيعه والنفط صار أرخص من الماي. شفت بالتعليقات بعض الإخوة ما يصدكون بكلامي ويكولون حبيبي احنه اشايفين من النفط وكأنه الموضوع مو يمه أصلاً. والأخر كاتب يكول اللّي بالخضراء فقط مستفيد من النفط احنه شنو؟ واحد كاتب النفط ينزل يصعد ما يهمنا هذا الموضوع يهم أفراد الحكومة واللّي يبيعون النفط وينزلون الوارد بجيوبهم!.

طبعاً هذا الكلام كله غير منطقي. واحنه أصحاب تجارب، وتجاربنا هاي خلت كل فرد عراقي بمثابة شخص حامل شهادة دكتوراه بالسياسة. فإذا النفط ارتفع سعره طبعاً أنت وأني وغيرنا من البسطاء ما يخصهم هذا صحيح. راتبك هو نفسه وشغلك هو نفسه ولا كأنه حاصل شي. والمستفيد من الموضوع همّ فعلاً الأشخاص والمجموعات اللّي ذكروها الإخوة واللّي أني كتبتهم فوك. لكن إنتبه أكو فرق ما بين ينزل سعر النفط وبين يصعد سعر النفط.

فإذا صعد النفط فهذا يخص الأخوة المسؤولين فقط وهم يتمتعون بخيرات السعر الزايد وما يخص المواطن العراقي أبد وهذا الحجي مو يمي ولا يمك.. أمّا إذا نزل سعر النفط فالأمر يمك ويمي ويخص المواطن العراقي وحده ولا يخص المسؤول على الإطلاق والشغله مو يم المسؤول. أول شي راح يقومون بقطع نسبة من رواتب الموظفين وراح يهددون بقطع الامتيازات والدولة تدخل في تقشف اللّي يكون مردودها على المواطن البسيط اولاً واخيراً. وكل الخسائر اللًي تعود على الدولة من تدني أسعار النفط راح يتحملها المواطن البسيط والمواطن هو اللي يدفع ديون البلد ويتحمل مستحقات الرفحاء. وإذا المسؤول اتضايق كلش يقطع تذكرة ويصعد طائرة في أقرب فرصة ويروح إلى بيته اللّي يحضره من زمان. ونبقى أني وأنت مع الزمن الطويل.

ما أريد أطول بالسالفة.. لا تكللّي النفط ما مستفيدين منه وما أعرف شنو. حتى إذا أنت ما مستفيد من النفط لكن انت راح تتحمل وزر النفط وتتحمل اعباء كل الخسائر. زيادة أسعار النفط خير، فهذا الخير يخص أصحاب السّيادة والفخامة من الخضراويين، أمًا نزول أسعار النفط فهذا أمر يخصّك أنت وحدك كمواطن بسيط وما يخص المسؤول.

الخير يخص والشر يعم حبيبي.


Arkad‏‎na gِnder



 كتابات  محمد هاشم الصالحي

1 - ساري العبد الله
2 - حيــاة متقـــاعد
3 - دعـــاء
4 - لمطلوب إثبــاته
5 - تـدرج وظيـفي
6 - وزيــر تركمــاني
7 - خارج اسوار المقبرة
8 - العـم مهـدي عسـكر
9 - بعض الظن
10 - متين عبد الله وحكاياته المدرسية
11 - بنزين عـادي بنزين محــسن
12 - الـوطن للرئيــس ولأبنــاء الرئيــس
13 - من كان يعــبد محــمداً..
14 - نفــط العــرب للعــرب
15 - انتحــار ســـياسي
16 - ندوة لتطوير الفن التركماني
17 - نومــا هانئـا للجمــيع
18 - خريج مريج..
19 - لكل من ينشر صور الاطعمة مع التحية
20 - انـا وطيــور الحـــب
21 - الســيد الـرئيـــس
22 - التجــدد في التغــــيير
23 - مهرجان المسرح التركماني الثالث
24 - المواقف مرأة الوطنية والقومية
25 - انتخابات ابو المطعم الحرة والنزيهة
26 - أنا و أبي و لعــبة الشــطرنج
27 - ذكرى مجزرة التون كوبرو والانتقادات
28 - سأفتقد صديقا عزيزا
29 - مناهج دراسية مفبركة
30 - المهندس المعماري انور زين العابدين بياتلى.. الراحل بصمت
>>التالي >>